طول مانتا عايش فى البلد ديه

بتسمع مبكيات مضحكات

قريت خبر خلانى أدلدل من الضحك

أول ماقريت العنوان أنا قولت يمكن جواسيس مسلطاهم إسرائيل عشان تخرب التفوق العلمى العبقرى المصرى#$#

يارييييييتهم

طلعوا ناس كانوا مزنوقين فى قرشين راحوا قرروا يسرقوا النحاس اللى فى الكابلات و يسيحوه و يبيعوه فى السوق السودة(وكالة البلح يعنى)

آه ماهى بقت سويقة!

هوووووووووووووب

بقوا جوة   سلكوا و قلبوا براحتهم الصرح المفاعلى الخطير جدا جدا!

و هما طالعين اتمسكوا "بالبضاعة" يعنى لو ماكانش الواد (أبو سريع ) عطس ما كانش الخفير أبو بدلة خضرا اللى بيحرس الضبعة-لا مؤاخذة- النووية أخد باله!!

إيه التهريج ده؟

هو ده مفخرة المفاعلات اللى كانوا هيحلوا بيه أزمة الطاقة فى مصر؟

ولما  مش عارفين يأمنوه كان إيه فايدته من الأول؟

طب و لما يشتغل و يحصل غلطة بجد هيجرى إيه؟

إنا لله و إنا إليه راجعون فى مصر

وأحب أطمن اللى خايفين يحصل تسرب زى تشرنوبل

أن إحنا مبيحصلش عندنا تسريبات و الكلام الفارغ ده

إحنا بنفجر علطول

نسرب لأ.........نفرقع آه

عليه العوض فى البلد

يللا    نتقابل فى الآخــــــــــرة!